Huteel Albaabka Laga Galaa Faransiiska Ku Yaallo Ka laga Baxaana Switzerland

Dhacdooyinka Wararka 115

Waxa laga yaabaa in aad aad ula yaabtay ciwaankan oo aad is tidhi sidee ayay suurta gal u tahay in aan Huteel albaabkiisa ka galo aniga oo wadanka Faransiiska jooga kadibna albaabka kale ka baxo oo aan sidaa ku joogo wadan kale ee qaaradda Yurub isna ku yaalla ee Switzerland. Waa dhacdo dhab ah.

Huteel ku yaalla xuduudda kala qaybisa dalka Faransiiska iyo Switzerland ayaa noqday mid si weyn u soo jiitay dalxiisayaasha ka yimaadda dalalka adduunka ee labadan dal soo booqda.

Waxa uu Huteelkani halkaasi ku yaallay muddo qarniyo ah imikaase maal gelin lagu sameeyey oo uu noqday Huteel caan ah oo isku xidha laba dal oo waaweyn. Huteelkani waxa uu ku yaallaa saawiyadda iyo halka iska galaan xuduudda dalalka France iyo Switzerland.

Albaabka laga galo waxa uu ku yaalaa dhinaca Faransiiska, albaabka dambe oo loogu tala galay in ay dadku ka baxaana waxa uu xigaa dhinaca Switzerland. Sababtan ayaa soo jiidatay dalxiisayaal badan oo huteelkan yimaad. Labada calan ayaa kala sudhan labada albaab.

 

 
error: Content is protected !!